
काठमाडौँ– नेपालको अग्रणी उत्पादन कम्पनी मंगलम इन्डस्ट्रिज लिमिटेड (एमआईएल)ले अवसर इक्विटी डाइभर्सिफाइड फण्डबाट झण्डै ३८ करोड रुपैयाँ बराबरको रणनीतिक लगानी हासिल गरेको छ।
अवसर इक्विटी डाइभर्सिफाइड फण्ड नेपालमा उच्च वृद्धि सम्भावना भएका व्यवसायहरूलाई सशक्त बनाउन प्रतिबद्ध एक निजी इक्विटी फण्ड हो।
कम्पनीले मंगलबार एक प्रेस विज्ञप्ति जारी गर्दै यो रणनीतिक लगानी एमआईएलको वृद्धि विकास यात्रा र भविष्यप्रतिको लगानीकर्ताको गहिरो विश्वासलाई सङ्केत गर्ने ऐतिहासिक उपलब्धि भएको जनाएको छ।
यो लगानीबाट कम्पनीलाई आफ्ना कार्य सञ्चालन प्रक्रियाहरूको सुदृढीकरण गर्न, उत्पादनमा नवप्रवर्तन ल्याउन तथा नेपाल र बाहिरी बजारमा आफ्नो उपस्थितिलाई विस्तार गर्न मद्दत पुग्ने एमआईएलले विश्वास व्यक्त गरेको छ।
कम्पनीले उक्त लगानी मुख्यतः कम्पनीको वित्तीय अवस्थालाई थप मजबुत गर्न तथा दिगोपनका साथै उत्कृष्टताको दिशामा अझ प्रतिबद्ध हुन प्रयोग गर्ने विज्ञप्तिमा उल्लेख छ।
मंगलम इन्डस्ट्रिज लिमिटेडका प्रमुख कार्यकारी अधिकृत अभिनव चुरिवालले भने, “हामी अवसर इक्विटी डाइभर्सिफाइड फण्डलाई हाम्रो रूपान्तरण यात्रामा रणनीतिक साझेदारका रूपमा स्वागत गर्न पाउँदा खुसी छौँ। यो लगानीले हाम्रो व्यावसायिक मोडेललाई पुनर्पुष्टि मात्रै नगरी, हाम्रो कर्मचारी, डिलर, ग्राहक तथा सम्पूर्ण सरोकारवालाहरूको लागि ठूलो उत्प्रेरणा प्रदान गरेको छ जसले हाम्रो भविष्यको सफलताको आधार तयार गर्नेछ।” अवसर इक्विटी डाइभर्सिफाइड फण्डसँगको सहकार्यमार्फत कम्पनीले नयाँ अवसरहरूको अन्वेषण गर्ने र नवप्रवर्तन तथा गुणस्तरका नयाँ मापदण्ड तय गर्ने अपेक्षा राखेको छ।
गलम इन्डस्ट्रिज लिमिटेड नेपालमा स्थापित एक अग्रणी उत्पादन कम्पनी हो, जुन गुणस्तर, नवीनता र इमानदारीमा प्रतिबद्धताका लागि परिचित छ। यो नेपालमा CPVC पाइप र फिटिङ्स उत्पादन गर्ने पहिलो निर्माता तथा प्लम्बिङ, ड्रेनेज, फोहोरपानी र वर्षा पानी व्यवस्थापन, पानी आपूर्ति, इलेक्ट्रिक कन्डुट प्रणाली तथा बोरवेल प्रयोजनका लागि पूर्ण दायरा भएको CPVC उत्पादनहरू निर्यात गर्ने एकमात्र कम्पनी हो।
वसर इक्विटी डाइभर्सिफाइड फण्ड नेपालकै पहिलो स्वदेशी निजी इक्विटी फण्ड हो, जुन विशिष्टीकृत लगानी कोष नियमावली, २०७५ अन्तर्गत दर्ता भएको छ।