काठमाडौँ – राष्ट्रिय स्वतन्त्र पार्टीका सभापति रवि लामिछानेलाई आज काठमाडौँ ल्याइँदै छ।
उनलाई रुपन्देही कारागारबाट ललितपुरको नख्खु कारागार सार्न लागिएको हो। उनलाई हवाईमार्गबाट काठमाडौँ ल्याइँदै छ।
उनलाई काठमाडौँ ल्याइने भएपछि रास्वपाका नेता–कार्यकर्ताहरू त्रिभुवन विमानस्थल पुगेका छन्।
रविले आफूलाई काठमाडौँ सरुवाका लागि निवेदन दिएपछि अदालतले पनि अनुमति दिएको थियो। तर, गृह मन्त्रालयको दबाबका कारण उनलाई रुपन्देही कारगारबाट सरुवा गरिएको थिएन।
रविले कारागारमा आफूलाई अमानवीय तरिकाले राखिएको बताएपछि केही दिनअघि राष्ट्रिय मानवअधिकार आयोगले रुपन्देही कारागार अनुगमन गरेको थियो।
अनुगमनपछि रविलाई मानवअधिकारको मापदण्डअनुसार नराखिएको र उनलाई असुरक्षा रहेको आयोगले बताएको थियो। आयोगको अनुगमनपछि चौतर्फी दबाब बढेपछि सरकारले रविलाई कारागार सरुवा गर्न लागेको हो।
तस्बिरहरूः नेपाल फोटो लाइब्रेरी।
भर्खरै
लोकप्रिय
