काठमाडौँ – राष्ट्रिय स्वतन्त्र पार्टीका नेता–कार्यकर्तालाई छक्याएर रवि लामिछनेलाई चोर बाटोमार्फत विमानस्थलबाट बाहिर निकालिएको छ।
रुपन्देही कारागारबाट रविलाई काठमाडौँ ल्याइने भएपछि त्रिभुवन विमानस्थलमा रास्वपाका नेता–कार्यकर्ताको भीड लागेको थियो। तर, प्रहरीले उनीहरूलाई छक्याउँदै रविलाई आयल निगमको बाटोबाट लुकाएर बाहिर निकालेको हो।
रविलाई रुपन्देही कारागारबाट नख्खु कारागार सरुवा गरिएको हो। उनलाई हवाईमार्गबाट शनिबार अपराह्न काठमाडौँ ल्याइएको हो।
रविले आफूलाई काठमाडौँ सरुवाका लागि निवेदन दिएपछि अदालतले पनि अनुमति दिएको थियो। तर, गृह मन्त्रालयको दबाबका कारण उनलाई रुपन्देही कारगारबाट सरुवा गरिएको थिएन।
रविले कारागारमा आफूलाई अमानवीय तरिकाले राखिएको बताएपछि केही दिनअघि राष्ट्रिय मानवअधिकार आयोगले रुपन्देही कारागार अनुगमन गरेको थियो।
अनुगमनपछि रविलाई मानवअधिकारको मापदण्डअनुसार नराखिएको र उनलाई असुरक्षा रहेको आयोगले बताएको थियो। आयोगको अनुगमनपछि चौतर्फी दबाब बढेपछि सरकारले रविलाई कारागार सरुवा गरेको हो। 
तस्बिरः नेपाल फोटो लाइब्रेरी
भर्खरै
लोकप्रिय
