अफगानिस्तानमा बस दुर्घटना हुँदा ७३ को मृत्यु

अफगानिस्तानको हेरातमा मंगलबार राति भएको सडक दुर्घटनामा ७३ जनाको मृत्यु भएको छ। मृत्यु हुनेहरूमा १७ बालबालिका पनि रहेको बिबिसीले उल्लेख गरेको छ।

तीमध्ये अधिकांश इरानबाट डिपोट गरिएका अफगानी रहेको पनि बिबिसीले उल्लेख गरेको छ।

हेरातमा ट्रकसँग ठोक्किँदा उक्त बसमा आगलागी भएको हो।

बसमा सवार सबैको मृत्यु भएको छ।

पछिल्लो समय इरानले आफ्नो देशमा द्वन्द्वका कारण भागेर आएका अफगानीहरूलाई देशबाट निकाल्ने प्रक्रिया तीव्र पारेको बिबिसीको समाचारमा उल्लेख छ।