काठमाडौं – चौधरी ग्रुप अन्तर्गतको सीजी मोबाइलले भारतको नेक्स्टक्वान्टम सिफ्ट टेक्नोलोजीसँगको सहकार्यमा नेपालमा नयाँ स्मार्टफोन ब्रान्ड एआई प्लस भित्र्याएको छ। यो ब्रान्डलाई पूर्व रियलमी इन्डियाका सीईओ माधव शेटले नेतृत्व गरिरहेका छन्।
एआई प्लस स्मार्टफोनमा विशेष रूपमा भारतको पहिलो सार्वभौम मोबाइल सञ्चालन प्रणाली (OS) नेक्स्टक्वान्टम ओएस प्रयोग गरिएको छ, जसले प्रयोगकर्ताको डाटा सुरक्षालाई उच्च प्राथमिकता दिन्छ। यो सहकार्यले नेपाली उपभोक्ताहरूलाई किफायती मूल्यमा उच्च कार्यक्षमता, आकर्षक डिजाइन र बलियो डाटा सुरक्षा भएको स्मार्टफोन उपलब्ध गराउने लक्ष्य राखेको छ।
के छन् यसका विशेषता?
एआई प्लसले नेपालमा दुईवटा मोडलहरू एआई प्लस पल्स र एआई प्लस नोभा फाइभ जी उपलब्ध गराउँदै छ। दुवै मोडलका केही प्रमुख विशेषताहरू यस प्रकार छन्:
एआई प्लस पल्स:
डिस्प्ले: ६.७ इन्चको एचडी प्लस डिस्प्ले, ९० हर्ज रिफ्रेस रेट
चिपसेट: टी ६१५ चिपसेट
मेमोरी: १ टेराबाइटसम्म विस्तार गर्न सकिने
क्यामेरा: ५० मेगापिक्सेलको डुअल एआई क्यामेरा
ब्याट्री: ५००० एमएएच
थप सुविधा: साइड फिङ्गरप्रिन्ट सेन्सर
रङ: नीलो, कालो, हरियो, बैजनी र गुलाबी
एआई प्लस नोभा फाइभ जी:
डिस्प्ले: ६.७ इन्चको एचडी प्लस डिस्प्ले, १२० हर्ज रिफ्रेस रेट
चिपसेट: टी८२०० चिपसेट
मेमोरी: १ टेराबाइटसम्म विस्तार गर्न सकिने
क्यामेरा: ५० मेगापिक्सेलको डुअल एआई क्यामेरा
ब्याट्री: ५००० एमएएच
थप सुविधा: साइड फिङ्गरप्रिन्ट सेन्सर
रङ: नीलो, कालो, हरियो, बैजनी र गुलाबी
दुवै फोनमा प्रयोग गरिएको नेक्स्टक्वान्टम ओएसले प्रयोगकर्ताको व्यक्तिगत डाटालाई सुरक्षित राख्ने कम्पनीले जनाएको छ।
बजारमा यसको महत्व
चौधरी ग्रुपका प्रबन्ध निर्देशक निर्वाण चौधरीले यो सहकार्यबाट नेपाली उपभोक्तालाई विश्वस्तरीय सुरक्षा र उत्कृष्ट प्रदर्शन भएको स्मार्टफोन उपलब्ध गराउन पाउँदा उत्साहित भएको बताएका छन्।
माधव शेटले पनि एआई प्लसलाई केवल स्मार्टफोन मात्र नभई प्रयोगकर्तालाई उनीहरूको डिजिटल जीवनमा नियन्त्रण दिने माध्यमको रूपमा परिभाषित गरेका छन्।
एआई प्लसका स्मार्टफोनहरू नेपालभरका सीजी मोबाइलको खुद्रा बिक्री नेटवर्क र प्रमुख अनलाइन बजारहरूमा चाँडै नै उपलब्ध हुनेछन्। मूल्य र विशेष अफरहरूको बारेमा भने निकट भविष्यमा जानकारी गराइने बताइएको छ।
भर्खरै
लोकप्रिय
