- बार्सिलोनाले रियल ओभिडोविरुद्ध पुनरागमन गर्दै ३-१ को जित हासिल गरी दोस्रो स्थानमा कायम रह्यो।
- ओभिडोका अल्बर्टो रेइनाले ३३औं मिनेटमा अघि बढाए पनि बार्सिलोनाले दोस्रो हाफमा शानदार खेल प्रदर्शन गर्यो।
- ४० वर्षीय सान्टी काजोर्लाले पहिलो पटक ला लिगामा खेल्दै सर्वाधिक उमेरको सुरुवाती अनुभव प्राप्त गरे।
स्पेनी क्लब बार्सिलोनाले रियल ओभिडोविरुद्ध पुनरागमन जित हात पारेको छ। पहिलो हाफमा १–० ले पछि परेको अवस्थामा बार्सिलोनाले उत्कृष्ट प्रदर्शन गर्दै ३–१ को जित निकाल्यो।
यो जितसँगै बार्सिलोना तालिकाको दोस्रो स्थानमा कायम छ। उसले ६ खेलमा ५ जित र १ बराबरी गर्दै १६ अंक जोडेको छ। शीर्ष स्थानमा रहेको रियल म्याड्रिडले भने सबै ६ खेल जितेर १८ अंकसहित अग्रता लिएको छ।
खेलमा अग्रता भने ओभिडोले ३३औं मिनेटमा अल्बर्टो रेइनाको गोलमार्फत लिएको थियो। बार्सिलोनाका गोलकिपर जोआन गार्सियाको गल्तीको फाइदा उठाउँदै रेइनाले टिमलाई १–० को अग्रता दिलाएका थिए।
तर दोस्रो हाफमा बार्सिलोनाले शानदार पुनरागमन गर्यो। ५६औं मिनेटमा एरिक गार्सियाले गोल गर्दै खेल बराबरीमा ल्याए। त्यसपछि ७०औं मिनेटमा रोबर्ट लेवान्डोव्स्कीले गोल गर्दै टिमलाई अग्रता दिलाए भने ८८औं मिनेटमा रोनाल्ड अराउजोले तेस्रो गोल गर्दै जित सुनिश्चित गरे।
भरिभराउ रहेको कार्लोस टार्टिएरे रंगशालामा विशेष क्षण पनि देखियो। ओभिडोका ४० वर्षीय सान्टी काजोर्लाले पहिलो पटक ला लिगामा प्रतिस्पर्धा गरे। आफ्नो लामो करियरमा पहिलोपटक ला लिगाको सुरुवाती खेल खेलेका उनले सर्वाधिक उमेरमा यस स्तरको अनुभव बटुलेका हुन्।
भर्खरै
लोकप्रिय
