- माओवादीसँग पार्टी एकताको प्रयासलाई टुंग्याउन उपाध्यक्ष बेदुराम भुसालको संयोजकत्वमा कार्यदल गठन भएपछि पार्टीमा हलचल भएको छ।
- अध्यक्ष माधव नेपालले वार्ता समिति बनाएपछि झलनाथ खनाल र घनश्याम भुसाल पक्षले आपत्ति जनाएका छन्।
- असन्तुष्ट पक्षले पत्रकार सम्मेलन आयोजना गर्दै माओवादीसँगको हतारो एकता फाइदाजनक नहुने तर्क गरेका छन्।
काठमाडौँ – माओवादीसँग हुँदै आएको पार्टी एकताको प्रयासलाई निष्कर्षमा पुर्याउन उपाध्यक्ष वेदुराम भुसालको संयोजकत्जमा कार्यदल बनेपछि एकीकृत समाजवादीमा हलचल पैदा भएको छ।
अध्यक्ष माधव नेपालले अपानी जारी गर्दै भुसालको संयोजकत्वमा प्रमेश हमाल र प्रकाश ज्वाला सदस्य रहेको पार्टी एकता वार्ता समिति गरेपछि विवाद भएको हो।
पार्टी एकताका लागि अध्यक्ष नेपालले ११ बुँदे सैद्धान्तिक आधार समेत सार्वजनिक गरेका छन्। नेपालले जारी गरेको अपानीमा भनिएको छ, ‘वामपन्थी, कम्युनिस्ट तथा समाजवादी पार्टी र समूहहरूसँग एकता वार्ता गर्नको लागि वरिष्ठ नेता डा। बेदुराम भुसालको संयोजकत्वमा वरिष्ठ नेता प्रमेश हमाल र उपाध्यक्ष प्रकाश ज्वाला सदस्य रहनु भएको वार्ता टोली गठन गरिएको छ। वार्ता टोलीले ११ बुँदे सैद्धान्तिक आधारमा छलफल गर्नेछ ।’
एकताको प्रक्रिया अघि बढाउन अपानीमार्फत अध्यक्ष नेपालले वार्ता कमिटि बनाएपछि सम्मानित नेता झलनाथ खनाल र महासचिव घनश्याम भुसाल पक्षले आपत्ति जनाएको छ। उनीहरुले माओवादीसँग पार्टी एकताका लागि हतार गर्न नहुने र माओवादीसँग मात्रै गरिने एकताले फाइदा नपुग्ने तर्क गरेका छन्।
अध्यक्ष नेपालले गठन गरेको कमिटिप्रति काउण्टर गर्न असन्तुष्ट पक्षले सोमबार पत्रकार सम्मेलन नै आयोजना गरेर असहमति राख्ने भएको हो। ललितपुरको एक पार्टी प्यालेसमा महासचिव घनश्याम भुसालले प्रेसमिट आयोजना गरेका छन्।
भर्खरै
लोकप्रिय
