- जेनजी आन्दोलनमा घाइते भएका ३० जनाको उपचार अझै विभिन्न अस्पतालमा भइरहेकाे स्वास्थ्य मन्त्रालयले जनाएको छ।
- विभिन्न अस्पतालमा ३० घाइतेको उपचार जारी रहने क्रमका लागि मन्त्रालयले पछिल्लो विवरण सार्वजनिक गरेको हो।
- कुल २,३१६ घाइतेमध्ये २,२३८ जना डिस्चार्ज भए र अस्पतालमा आएका र मृत्यु भएका ४९ छन्।
काठमाडौँ – जेनजी आन्दोलनका क्रममा घाइते भएका ३० जनाको उपचार अझै विभिन्न अस्पतालमा भइरहेको छ । स्वास्थ्य तथा जनसङ्ख्या मन्त्रालयले देशभरका अस्पतालबाट लिएको विववरणअनुसार आन्दोलनको २७ दिन भइसक्दा पनि घाइतेहरु उपचारमै रहेको पाइएको हो।
स्वास्थ्य मन्त्रालयका अनुसार सिभिल अस्पतालमा एक जना, राष्ट्रिय ट्रमा सेन्टरमा १० जना, काठमाडौँ मेडिकल कलेज शिक्षण अस्पतालमा तीन जना, त्रिवि शिक्षण अस्पतालमा पाँच जना, पाटन स्वास्थ्य विज्ञान प्रतिष्ठानमा तीन जना, नेपाल प्रहरी अस्पतालमा एक जना र कीर्तिपुर अस्पतालमा एक जना उपचाररत छन् ।
यसैगरी बी एन्ड बी अस्पतालमा तीन जना, विराट मेडिकल शिक्षण अस्पतालमा एक जना, नोबेल मेडिकल कलेज शिक्षण अस्पतालमा एक जना र पोखरा स्वास्थ्य विज्ञान प्रतिष्ठानमा एक जना गरी कुल ३० जना उपचाररत रहेको स्वास्थ्य मन्त्रालयले जनाएको छ ।
स्वास्थ्य मन्त्रालयले विभिन्न स्वास्थ्य संस्था तथा प्रादेशिक स्वास्थ्य आपत्कालीन कार्यसञ्चालन केन्द्रहरूसँग सम्पर्क एवं समन्वय गर्दा प्राप्त पछिल्लो विवरण सार्वजनिक गरेको हो ।
मन्त्रालयले सार्वजनिक गरेको जानकारीअनुसार उपचारका लागि आएका घाइतेहरूको सङ्ख्या दुई हजार ३१६ रहेको छ जसमा उपचारपश्चात् दुई हजार २३८ जना ‘डिस्चार्ज’ भइसकेका छन् ।
त्यसैगरी अस्पतालमा आएका र मृत्यु भएका कुल संख्या ४९ रहेको छ । अस्पतालहरूमा २०८२ असोज १२ गतेदेखि हालसम्म जेनजी क्लिनिकमार्फत सेवा प्राप्त गरेका घाइतेहरूको सङ्ख्या भने नौ जना रहेको छ ।
भर्खरै
लोकप्रिय
