अ
+
अ
अ
-
भारतका प्रधानन्यायाधीश बीआर गवईमाथि भएको आक्रमणको भारतीय प्रधानमन्त्री नरेन्द्र मोदीले निन्दा गरेका छन्।
सोमबार दिउँसोको उक्त घटनापछि आफूले प्रधानन्यायाधीश गवईसँग कुरा गरेको र उक्त आक्रमणबाट प्रत्येक भारतीय आक्रोशित रहेको मोदीले बताएका छन्।
उनले इन्स्टाग्राममा लेखेका छन्- ‘मैले भारतका प्रधानन्यायाधीश बीआर गवईजीसँग कुरा गरेँ। सर्वोच्च अदालत परिसरमा उहाँमाथि भएको आक्रमणबाट प्रत्येक भारतीय आक्रोशित छन्। हाम्रो समाजमा यस्ता निन्दनीय कार्यहरूको लागि कुनै ठाउँ छैन। यो पूर्णतया निन्दनीय छ।’
भारतीय सञ्चारमाध्यमहरूका अनुसार सोमबार दिउँसो इजलास चलिरहेकै बेला कानुन व्यवसायी राकेश किशोरले आफ्नो जुत्ता फुकालेर प्रधानन्यायाधीश गवईमाथि प्रहार गरेका थिए। घटनालगत्तै प्रहरीले ती कानुन व्यवसायीलाई इजलासबाहिर निकालेको थियो भने उनलाई बार काउन्सिल अफ इण्डियाले निलम्बन गरिसकेको छ।
घटनापछि प्रधानन्यायाधीश गवई शान्त देखिएका थिए। उनले भनेका थिए, ‘यी सबैबाट विचलित नहुनुहोस्। हामी विचलित छैनौं। यी कुराहरूले मलाई असर गर्दैन।’
भर्खरै
लोकप्रिय
