काठमाडौं- नेकपा एमाले निकट विद्यार्थी संगठन अनेरास्ववियुले काठमाडौं महानगरपालिकाका प्रमुख बालेन्द्र शाह र ‘हामी नेपाल’का संस्थापक सुदन गुरुङविरुद्ध किटानी जाहेरी दिने भएको छ।
काठमाडौँ जिल्ला प्रहरी परिसरमा मंगलबार दिउँसो अखिलका युवाहरू पनि पुगेका छन्।
अखिलका महासचिव दीपक धामीका अनुसार बालेन र गुरुङबिरुद्ध तोडफोड, आगजनी र प्रहरी हत्यामा उजुरी दिन लागिएको हो। ‘हामी अहिले परिसर पुग्न लागेका छौँ, बालेन र सुदन गुरुङबिरुद्ध जाहेरी दर्ता गराउँदैछौँ,’ धामीले भने।
सुदन गुरुङसहितको समूह भने पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकबिरुद्ध जाहेरी दर्ता गर्न दबाब दिँदै काठमाडौँ प्रहरी परिसर पुगेको छ।
ओली-लेखक पक्राउबारे छलफल गर्न प्रधानमन्त्री सुशीला कार्कीले सोमबार बेलुका गृहमन्त्री ओमप्रकाश अर्यालसहित चारै सुरक्षा निकायका प्रमुखहरूको बैठक बालुवाटारमा बोलाएकी थिइन्।
भर्खरै
लोकप्रिय
