दिवंगत नेता बाँस्तोलाको अस्तु कनकाई नदीमा बिसर्जन

बिर्तामोड – नेपाली कांग्रेसका दिवंगत नेता चक्रप्रसाद बाँस्तोलाको अस्तु सोमबार उनको गृह जिल्ला झापास्थित कनकाई माई नदीमा बिसर्जन गरिएको छ।

शोकसभाको आयोजना गरी श्रद्धाञ्जलि अर्पण गरेपछि बाँस्तोलाको अस्ती कनकाई नदीमा विसर्जन गरिएको हो।

शोकसभामा नेपाली कांग्रेसका नेताहरु प्रवक्ता विश्वप्रकाश शर्मा, पूर्वमन्त्री केशवकुमार बुढाथोकी, नेकपाका नेता तथा पूर्व सांसद प्रेम गिरी लगायतका नेताहरुले स्वर्गीय बाँस्तोलाको राजनीतिक जीवनीमाथि बोलेका थिए।

नेता बाँस्तोलाको शनिबार राति निधन भएको थियो। उनको अन्तिम संस्कार आइतबार पशुपति आर्यघाटमा गरिएको थियो।