काठमाडौँ – आईसीसी टी-२० विश्वकप एसिया तथा इस्ट एसिया प्यासिफक छनोटअन्तर्गत सुपर सिक्सको पहिलो खेलमा नेपालले युएईलाई १४१ रनको लक्ष्य प्रस्तुत गरेको छ।
राम्रो सुरुवातका बाबजुत नेपालले अन्तिम ओभरहरुमा उत्कृष्ट अन्त्य गर्न असफल हुँदा उच्च स्कोरबाट विमुख भयो। नेपालले निर्धारित २० ओभरमा ६ विकेट गुमाएर १ सय ४० रन जोड्यो।
युएईविरुद्ध टस जितेर पहिले ब्याटिङ गर्ने निर्णय गरेको नेपालका लागि ओपनर आशिफ शेखले ४७ बलमा ४ चौका र १ छक्काको सहयोगमा ५१ रनको अर्धशतकीय इनिङ्स खेल्दा कुशल भुर्तेललले २६ बलमा २८ रन बनाए। यी दुईबीच पहिलो विकेटका लागि ५६ रनको साझेदारी भएको थियो।
त्यस्तै, रोहित पौडेलले २० रन बनाउँदा कुशल मल्लले १० रन बनाए। थप दोहोरो स्कोरका रुपमा गुल्सन झाको १४ रन रह्यो।
युएईका लागि जुनाइद सिद्दीकी, मुहम्मद रोहिद, जाहीद अली, हाइदर अली, हर्सित कौशिक, ध्रुव पराशरले समान १-१ विकेट लिए।
भर्खरै
लोकप्रिय
