काठमाडौँ- नेकपा एमालेले संसद् पुनर्स्थापनाका लागि अदालत जाने निर्णय गरेको छ। त्यस्तै, एमालेले मंसिर अन्तिम साता पार्टीको ११औं महाधिवेशन गर्ने निर्णय पनि गरेको छ।
शुक्रबार बिहान १२ बजेदेखि सुरु भएर करिब ९ घण्टा चलेको सचिवालय बैठकमा यी दुई प्रमुख विषयमा सहमति बनेको उपमहासचिव प्रदीप ज्ञवालीले जानकारी दिए।
ज्ञवालीले बैठकपछि भने, ‘यथास्थितिमा निर्वाचन सम्भव छैन, त्यसैले पार्टी अदालत जान्छ।’
उनका अनुसार एमालेले निर्वाचनमा भाग लिनका लागि केही राजनीतिक र प्रावधानगत शर्तहरू पनि राखेको छ।
विघटित प्रतिनिधि सभा पुनर्स्थापनाका लागि कानुनी र राजनीतिक रुपमा सङ्घर्ष गर्ने निर्णय सचिवालय बैठकले सर्वसम्मत रुपमा गरेको नेता सूर्य थापाले जानकारी दिए।
त्यस्तै, पार्टीको ११औं महाधिवेशन मंसिर अन्त्यतिर गर्ने निर्णय एमालेले गरेको छ। ज्ञवालीले भने, ‘महाधिवेशन तयारी र कानुनी प्रक्रियालाई समानान्तर रूपमा अघि बढाइनेछ।’
मंसिर अन्तिम साता महाधिवेशन गर्ने निर्णय गरेपनि गते र स्थान अहिलेसम्म तोकिएको छैन।
भर्खरै
लोकप्रिय
