इजरायल र हमासबिच युद्ध बिराम सहमतिसँगै बन्धक रिहाइ सम्झौता अनुसार आज २० जीवित बन्धकहरू रिहाइ हुँदै छन्।
बन्धक रिहाइ हुने भएसँगै आफ्नत तथा ठुलो संख्यामा मानिसहरु सिमामा पुगेको टाइम्स अफ इजरायलले जनाएको छ।
हमासको सैन्य शाखाले आज रिहा गर्न तय गरिएका २० जना जीवित बन्धकहरूको नाम सूची सार्वजनिक गरेको छ।
जुन अघिल्ला बन्धक रिहाइका घटनाजस्तै प्रक्रियागत चरणको एक अंश हो। यो सूचीमा त्यही २० जना बन्धकका नामहरू छन्, जसका नाम पहिले नै वार्ताको क्रममा इजरायललाई प्रदान गरिएको थियो र जीवित बन्धकहरूको सम्झौताअन्तर्गत रिहा हुने पक्का गरिएको थियो।
तर, यस समूहमा अपहरणमा परेका नेपालका विपिन जोशी र इजरायली सैनिक तामिर निम्रोडीको नाम छैन।
कतिपयले दुइ जना जीवित रहेको समाचारहरु सार्वजानिक गरेका थिए। तर उनीहरू जीवित २० जना बन्धक रिहाइको लिस्टमा नभएसँगै अन्योलता कायम छ।
भर्खरै
लोकप्रिय
