काठमाडौँ- नेपाली बजारमा मंगलबार सुनको मूल्यले नयाँ कीर्तिमान कायम गरेको छ।
नेपाल सुनचाँदी व्यवसायी महासंघका अनुसार एकैदिन ८ हजार १०० रुपैयाँले बढेर सुनको मूल्य प्रतितोला २ लाख ४८ हजार ५०० रुपैयाँ पुगेको हो।
यसअघि सोमबार सुन प्रतितोला २ लाख ४० हजार ४०० रुपैयाँमा कारोबार भएको थियो। लगातारको वृद्धिसँगै यो मूल्य हालसम्मकै उच्च स्तरको रहेको महासंघले जनाएको छ।
सुनसँगै चाँदीको मूल्यमा पनि तीव्र वृद्धि भएको छ। सोमबार प्रतितोला ३ हजार २२० रुपैयाँमा रहेको चाँदी मंगलबार बढेर ३ हजार ३२५ रुपैयाँ पुगेको छ, जुन हालसम्मकै सबैभन्दा उच्च मूल्य हो।
सुन र चाँदीको मूल्यमा देखिएको यस उछालले बजारमा व्यापक चासो पैदा गरेको छ।
व्यवसायीहरूले अन्तर्राष्ट्रिय बजारमा सुनको मूल्य बढ्नु, अमेरिकी डलरको मजबूती र भू-राजनीतिक तनावका कारण नेपाली बजारमा पनि मूल्यमा वृद्धि भएको बताएका छन्।
भर्खरै
लोकप्रिय
