काठमाडौँ – नेपाली कांग्रेसका सभापति शेरबहादुर देउवाले पार्टीको आगामी १५ औँ महाधिवेशनबाट नेतृत्व हस्तान्तरण गर्ने बताएका छन्।
मंगलबार पार्टी केन्द्रीय कार्यसमिति बैठकमा बोल्दै देउवाले आगामी महाधिवेशनबाट आफूबाहेक अर कुनै नेता सभापति बन्ने बताएका हुन्।
घरमा सधैँ एकै जना मुली नरहने उल्लेख गर्दै उनले आफूले पनि पार्टीको नेतृत्व हस्तान्तरण गर्ने बताएका हुन्।
उनले भने,’पार्टीको आन्तरिक जीवन, आगामी १५औं महाधिवेशन र नेतृत्व हस्तान्तरणका सवालहरु उठेका छन्। म साथीहरुलाई के आग्रह गर्न चाहन्छु भने “घरमा सधैं एकै जना मुली रहँदैन” पार्टीमा पनि हमेसा एकै जना सभापति रहिरहँदैन। जहाँसम्म मेरो विषय छ – मैले पहिले नै हाम्रो वैधानिक व्यवस्थाले र मेरो राजनीतिक इच्छाले १५औं महाधिवेशनबाट पार्टी नेतृत्व विधिवत रुपमा हस्तान्त्रण गर्छु भनिसकेको छु। आगामी १५औं महाधिवेशनबाट म बाहेक अरु कुनै साथी सभापति बन्नु हुनेछ त्यसमा द्विविधा छैन।’
भर्खरै
लोकप्रिय
