सर्पको डसाइबाट बालकको मृत्यु

झापा- सर्पको डसाइबाट आज झापाको अर्जुनधारा–११ चाम्लिङडाँडाका १० वर्षीय अनिश राईको मृत्यु भएको छ ।

उनलाई गए राति सुतिरहेको अवस्थामा ओच्छ्यानमै सर्पले डसेको हो ।

राईलाई राति नै चारआलीस्थित नेपाली सेनाको सर्पदंश उपचार केन्द्रमा पुर्याए पनि त्यहाँ उपचार सम्भव नभएपछि थप उपचारका लागि बिर्तामोडस्थित बिएण्डसी अस्पताल ल्याइएको थियो ।

प्रहरी सहायक निरीक्षक डोमी साहका अनुसार उनको उपचारका क्रममा मृत्यु भएको हो ।