अ
+
अ
अ
-
हमासद्वारा अपहरण भई हत्या गरिएका नेपाली नागरिक विपिन जोशीको शवलाई इजरायलले आइतबार अन्तिम बिदाइ गरेर नेपाल पठाएको छ।
तेलअभिबस्थित बेन गुरियन विमानस्थलमा प्रधानमन्त्री कार्यालयअन्तर्गतको ‘अपहृत, बेपत्ता र फर्कने समन्वय निर्देशनालय’ को तर्फबाट राज्यस्तरीय श्रद्धाञ्जली समारोह आयोजना गरेर जोशीलाई बिदाइ गरिएको हो।
समारोहमा अपहृत तथा बेपत्ता समन्वयकर्ता गल हिर्श, इजरायली परराष्ट्र मन्त्रालयका प्रतिनिधि जिभ बिलाउस, नेपाल दूतावासका प्रतिनिधि, स्डोट नेगेभ क्षेत्रीय परिषद्का अध्यक्ष तामिर इदान, नेपाल सरकारका प्रतिनिधि र नेपालीहरूको बाक्लो उपस्थिति थियो।
गत वर्ष अक्टोबर ७ मा जोशीलाई हमासले अज्ञात किबुत्जबाट अपहरण गरी बन्धक बनाएको र पछि हत्या गरेको पुष्टि अघिल्लो साता भएको हो।
भर्खरै
लोकप्रिय
