- राष्ट्रिय जेनजी पार्टी नेपालले आइतबार निर्वाचन आयोगमा दल दर्ताको निवेदन दिदैँ युवा, संघीयता, र धर्म निरपेक्षतालाई आधार मान्ने जनाएको छ।
- पार्टीले जेनजी आन्दोलनलाई राजनीतिक पुंजीको रुपमा विकास गरी, क्रान्तिको उपलब्धि रक्षा गर्ने उद्देश्य लिएको छ।
- निर्वाचन आयोगले दर्ता प्रक्रिया पूर्तिका लागि कात्तिक ९ सम्म थप कागजातहरू बुझाउन आग्रह गरेको छ।
काठमाडौँ- राष्ट्रिय जेनजी पार्टी नेपालले आइतबार निर्वाचन आयोगमा दल दर्ताको निवेदन दिएको छ।
पार्टी अध्यक्षमा किरण बिक छन्।
‘जेनजी आन्दोलनलाई छिटो भन्दा छिटो एउटा राजनीतिक पुंजीको रुपमा विकास गर्न , जेनजीक्रान्तिलाई प्रतिक्रान्ति हुन् बाट बचाउन र चुनाव बाट नै राजनीति निकास खोज्न नयाँ छुटै दलको आवस्यकता परेकोले हालै सम्पन्न जेनजी क्रान्तिको उपलब्धिलाई रक्षा गर्न ‘राष्ट्रिय जेनजी पार्टी नेपाल; गठन भएको’ पार्टीले जानकारी दिएको छ। पार्टीको चुनाव चिन्ह डबल क्रस खुकुरी रहेको पनि अध्यक्ष बिकले जानकारी दिए।
पार्टीको विधानमा पदाधिकारीमा दुइ कार्यकाल र जुनसुकै तहको सदस्यताका लागि उमेर हदबन्दी राखेको छ। दलले सामाजिक उदारबादलाई राजनीतिक सिद्धान्तका रूपमा अपनाएको पनि अध्यक्ष बिकले जानकारी दिए।
पार्टीले युवा, संघीयता , धर्म निरपेक्षता , समानुपातिक समावेशिता , वातावरणवाद , यौनिक अल्पसंख्यक र गणतन्त्रलाई आफ्नो आधार स्तम्भ मानेको पनि अध्यक्ष बिकले जानकारी दिए।
अध्यक्ष बिकले जेनजी आन्दोलनमा बुटवल बाट सहभागिता जनाएका थिए। युवा अभियन्ता बिक अखबारी लेखन तथा दलित आन्दोलनमा सक्रिय थिए।
फिल्ममेकिङ र कानुनमा स्नातक गरेका बिकले सहरी योजनामा स्नातकोत्तर गरेका छन्।
बिकका अनुसार आयोगले कात्तिक ९ गते नपुगेका कागजात सहित थप परामर्शका लागि उपस्थित हुन आग्रह गरेको छ।
आयोगका निमित्त प्रमुख आयुक्त रामप्रसाद भण्डारी र आयुक्त सगुनशमशेर जबराले पार्टीको नाम र चुनाव चिन्हमा पुनर्विचार गर्न सुझाव दिएका छन्। पार्टीमा २१ सदस्यीय केन्द्रीय समिति छ भने ५ जना पदाधिकारी छन्।
भर्खरै
लोकप्रिय
