विराटनगर- सबै धर्म, जाति र संस्कृतिको समान सम्मान गर्नुपर्नेमा कोशी प्रदेशमा मुख्यमन्त्री हिक्मतकुमार कार्कीले बताएका छन् ।
भाइटीकाको अवसरमा शुभकामना सन्देश दिँदै मुख्यमन्त्री कार्कीले नेपाली समाजको मौलिक संस्कृतिको संरक्षण, सम्बर्द्धन र प्रवर्द्धनमा सबैको साझा जिम्मेवारी रहेको उल्लेख गरेका छन्।
मुख्यमन्त्री कार्कीले नेपालीहरूको परम्परा, धर्म र संस्कृति हाम्रो पहिचान भएको उल्लेख गरेका छन् । शुभकामना सन्देशमा उनले “हाम्रो संस्कृति, हाम्रो गौरव” भन्ने मूल नाराका साथ यस पर्वले पारिवारिक एकता, माया र आपसी सम्बन्ध झन् प्रगाढ बनाउने विश्वास व्यक्त गरेका छन् ।
उनले देश बहुजातीय, बहुभाषिक र बहुसांस्कृतिक विशेषतायुक्त भएकाले विविधता नै सबै नेपालीको शक्ति भएको जनाएका छन् ।
त्यसैगरी, सन्देशमा उनले दीपावलीको उज्यालोले सत्य, न्याय र सद्भावको भावना फैलाउने र भाइटिकाले दिदीभाइबीचको आत्मीय प्रेम, माया र सम्मानलाई झन् प्रगाढ बनाउने अवसर प्रदान गर्ने बताएका छन्।
भर्खरै
लोकप्रिय
