काठमाडौँ – राजदूत फिर्ता बोलाउने निर्णयविरुद्ध परेको रिटमा सर्वोच्च अदातलले कारण देखाउ आदेश जारी गरेको छ।
अधिवक्ता प्रतिभा उप्रेतीसहितले दायर गरेको रिट निवेदनमाथि सुनुवाइ गर्दै न्यायाधीश विनोद शर्माको एकल इजलासले सरकारका नाउमा १५ दिने कारण देखाउ आदेश जारी गरेको हो।
सर्वोच्चले अन्तरिम आदेश छलफलका लागि कात्तिक १४ गते उपस्थित हुन दुवै पक्षलाई आदेश दिएको छ। अघिल्लो सरकारले नियुक्त गरेका ११ देशका राजदूतलाई असोज २० गते मन्त्रिपरिषद्ले फिर्ता बोलाउने निर्णय गरेको थियो।
सरकारले चीनका कृष्णप्रसाद ओली, जर्मनीका शैल रुपाखेती, इजरायलका धनप्रसाद पण्डित, मलेसियाका नेत्रप्रसाद तिमल्सिना, कतारका रमेशचन्द्र पौडेल, रुसका जंगबहादुर चौहानलाई फिर्ता बोलाएको थियो।
त्यस्तै साउदी अरबका नरेश विक्रम ढकाल, स्पेनका सनिल नेपाल, संयुक्त अधिराज्य बेलायतका चन्द्रकुमार घिमिरे, संयुक्त राज्य अमेरिकाका लोकदर्शन रेग्मी र जापानका डा दुर्गाबहादुर सुवेदीलाई पनि फिर्ता बोलाइएको छ।
भर्खरै
लोकप्रिय
