- मनाङ जिल्लाको उपल्लो भेगमा हिमपातका कारण अलपत्र परेका १५०० नागरिक र २०० विदेशी पर्यटक सुरक्षित स्थानमा पुर्याइएका छन्।
- उद्धार कार्यमा नेपाली सेना, स्थानीय प्रशासन, जनप्रतिनिधि र सुरक्षाकर्मीको संयुक्त टोलीले नेतृत्व गरेर महत्वपूर्ण भूमिका खेलेको थियो।
- उद्धार कार्य पछि सुरक्षित स्थानमा पुगेका नागरिकहरूको स्वास्थ्य अवस्था सामान्य रहेको स्थानीय प्रशासनले जनाएको छ।
मनाङ– मनाङ जिल्लाको उपल्लो भेगमा भारी हिमपातका कारण बिभिन्न स्थानमा फसेका करिब १५०० नागरिक र २०० भन्दा बढी विदेशी पर्यटकहरूलाई सुरक्षित स्थानमा पुर्याउन सफल भएको छ।
गत कात्तिक १० गते देखि मनाङका तिलिचो, खाङ्गसार, पिसाङ्ग, अप्पर मनाङ र हुम्दे इलाकाहरूमा भएको भारी हिमपातका कारण उनीहरू बिच बाटोमै अलपत्र परेका थिए।
उद्धारमा जुट्यो संयुक्त टोली
उद्धार कार्यमा मनाङस्थित नेपाली सेनाको नयाँ भैरवीदल गुल्मबाट खटिएको विशेष टोलीले नेतृत्व गरेको थियो।
सेनाको टोलीले स्थानीय प्रशासन, जनप्रतिनिधि, सशस्त्र प्रहरी बल नेपाल, नेपाल प्रहरी तथा स्थानीयहरूको सक्रिय सहकार्यमा ठूलो संख्यामा नागरिकहरूको जीवन रक्षा गर्न सहयोग गरेको हो।
उद्धार गरिएका नागरिक: करिब १५०० जना
उद्धार गरिएका विदेशी पर्यटक: २०० भन्दा बढी
प्रभावित क्षेत्र: तिलिचो, खाङ्गसार, पिसाङ्ग, अप्पर मनाङ, हुम्दे
नेपाली सेनाको नयाँ भैरवीदल गुल्मका अधिकारीहरूले प्रतिकूल मौसमका बाबजुद उद्धार टोलीले उच्च जोखिम मोलेर पर्यटक तथा स्थानीयलाई सुरक्षित गन्तव्यतर्फ डोऱ्याउन महत्त्वपूर्ण भूमिका खेलेको बताएका छन्।
स्थानीय प्रशासनले सबैको समन्वित प्रयासबाट उद्धार कार्य सफल भएको र सुरक्षित स्थानमा पुगेका नागरिकहरूको स्वास्थ्य अवस्था सामान्य रहेको जनाएको छ।
भर्खरै
लोकप्रिय
