काठमाडौँ– विपी राजमार्गअन्तर्गत काभ्रे भञ्ज्याङ-भकुण्डेबेसी-सिन्धुली सडकखण्डमा सवारीसाधान सञ्चालनमा रोक लगाएको छ।
आज साँझ ५ बजेदेखि भोलि बिहान ५ बजेसम्म यस सडकखण्डमा सवारी साधन सञ्चालनमा रोक लगाइएको जिल्ला प्रशासन कार्यालय काभ्रेपलाञ्चोकले जानकारी दिएको छ।
‘मोन्था’ नामको चक्रवात नेपाल प्रवेश गरेसँगै देशभरका विभिन्न ठाउँमा हल्कादेखि भारी वर्षा भइरहेको छ। भोलिसम्म बागमती प्रदेशका एक दुई स्थानमा पनि भारी वर्षाको सम्भावना रहेको मौसम पूर्वानमान महाशाखाको प्रक्षेपणसँगै जिल्ला प्रशासन कार्यालय काभ्रेपलाञ्चोकले विपी राजमार्गमा रात्रीकालीन सवारी साधन सञ्चालनमा रोक लगाएको हो।
जिल्ला प्रशासन कार्यालय सिन्धुलीले पनि विपी राजमार्गअन्तर्गत खुर्कोटबजार सिन्धुलीबाट काठमाडौँ भित्रने सवारी सधानलाई आज साँझ ५ बजेदेखि सञ्चालनमा रोक लगाएको छ।
एम्बुलेन्स र अत्यावश्यक सेवा प्रवाह गर्ने सवारी साधन भने सञ्चालनमा रोक लगाइएको छैन।
भर्खरै
लोकप्रिय
