अ
+
अ
अ
-
काठमाडौँ – सरकारले बिहीबार राजपत्रमा सार्वजनिक गरेको छापाखाना र प्रकाशनसम्बन्धी (दोस्रो संशोधन) नियमावली २०८२ प्रति नेपाल पत्रकार महासंघले पाँच बुँदामा विरोध जनाएको छ।
महासंघका महासचिव रामप्रसाद दाहालले विज्ञप्तिमार्फत कतिपय प्रावधान स्वतन्त्र प्रेस विरोधी भएको भन्दै आपत्ति जनाएका हुन्। महासंघले स्वतन्त्र प्रेस विरोधी प्रावधानहरू तत्काल सच्याउन माग गरेको छ। नसच्यायमा आन्दोलन गर्ने उसको चेतावनी छ।
यस्ता छन्ः महासंघका असहमतिः
- नाम र डोमेन मिलेमा, जातजाति, धर्म वा सम्प्रदायबीचको सुसम्बन्धमा खलल पुग्ने वा सार्वजनिक शिष्टाचार वा नैतिकताको प्रतिकूल कार्य दुरूत्साहन भएमा अनलाइन सञ्चारमाध्यम दर्ता नहुने भनी राखिएको स्वेच्छाचारी प्रावधान ।
- निःशुल्क दर्ता र नवीकरण हुँदै आएकामा शुल्क थोपर्ने प्रावधान ।
- अनुगमन तथा निरीक्षण स्थानीय अधिकारीले पनि गर्ने भन्ने नियन्त्रणमुखी प्रावधान ।
- दर्ता भएका अनलाइनको प्रमाणपत्र रद्ध गर्न तीनवटा राष्ट्रिय दैनिक पत्रिकामा सूचना प्रकाशन गर्नुपर्ने अव्यवहारिक प्रावधान ।
- एउटै ऐन अन्तरगत दर्ता भएका पत्रपत्रिका नवीकरण गर्न नपर्ने तर अनलाइन हरेक वर्ष नवीकरण गर्न पर्ने विभेदकारी प्रावधान ।
भर्खरै
लोकप्रिय
