काठमाडौँ – नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ले आफ्नो पार्टीलाई मुलुकको पहिलो पार्टी बनाउने दृढता व्यक्त गरेका छन्।
बुधबार भृकुटीमण्डपमा आयोजिन पार्टी एकता घोषणासभालाई सम्बोधन गर्दै दाहालले कसैले रोक्न नसक्ने गरी यो लक्ष्य हासिल गर्ने दाबी गरेका हुन्।
बुधबार माओवादी केन्द्र, एकीकृत समाजवादीसहित दशवटा पार्टी मिलेर एकता घोषणा गरेका हुन्। उनले आफूहरुको एकताले ‘कसैलाई राति निन्द्र नलाग्न’ सक्छु भन्दै विपक्षीहरूलाई कटाक्ष गरे।
उनले पार्टी एकतालाई सशक्त बनाउन र आफ्ना कुरा जनस्तरमा र्पुयाउनका लागि देशव्यापी एकतासभा को कार्यक्रम लिएर जाने योजना रहेको जानकारी दिए। उनले भने, ‘देशव्यापी एकतासभाको कार्यक्रम लिएर जानेछाँै। हाम्रा कुरा जनताले सुन्ने छन्।’
दाहालले एमाले अध्यक्ष केपी शर्मा ओलीप्रति लक्षित गर्दै आफू अहंकार बोकेर नहिड्ने प्रतिबद्धता जनाए। उनले भने, ‘हामी अहंकारमा जानु हुँदैन। अरुलाई पनि एकताबद्ध गरेर जानुपर्छ। दशवटा घटकबीच एकता भयो भनेर हामी चुप लागेर बस्दैनौँ।’
भर्खरै
लोकप्रिय
