सुर्खेत– दैलेखको ठाँटीकाँध गाउँपालिकामा भएको जीप दुर्घटनामा मृत्यु हुनेको संख्या ५ पुगेको छ।
सुर्खेतबाट ठाँटिकाँध वहाँकोटतर्फ जाँदै गरेको जीप दुर्घटना हुँदा घाइते भएका थप एक जनाको मृत्यु भएको हो।
जिल्ला प्रहरी कार्यालय दैलेखका अनुसार घटनास्थलमा दुई जनाको मृत्यु भएको थियो भने ६ जना घाइते भएका थिए। दुर्घटनाबाट घाइते भएका ६ जनालाई उपचारका लागि अस्पताल ल्याउने क्रममा तीन जनाको मृत्यु भएको हो।
जीपमा सवार ८ जनामध्ये हालसम्म ५ जनाको मृत्यु भइसकेको जिल्ला प्रहरी कार्यालयका प्रमुख डिएसपी ठाकुर पोखरेलले बताए।
ठाँटीकाँध गाउँपालिका–१ का ३० वर्षीया निर्मल बम, ३ का ४० वर्षीय राजेन्द्रबहादुर शाही, ४ की ४६ वर्षीया रत्ना शाही, ४६ वर्षिय रमेश शाही, २६ वर्षीय दिलिप शाहीको मृत्यु भएको छ । डिएसपी पोखरेलका अनुसार उपचारका क्रममा दिलिपको मृत्यु भएको हो।
दुर्घटनाबाट ठाँटीकाँध–१ का २८ वर्षिय समशेर बम, ३० वर्षिय युद्ध सुची र २८ वर्षिय मनिश राष्कोटी गम्भिर घाइते भएका छन्।
उनीहरुको उपचार दैलेखमा सम्भव नभएपछि नेपालगञ्ज रिफर गरएको छ। भे १ च २२०७ नम्बरको बोलेरो जीप ठाँटिकाँध गाउँपालिका–३ को धामीगाउँ नजिक दुर्घटनामा भएको हो दुर्घनामा २ जना घाइते छन्।
जीप सडकदेखि करीब ५० मिटर तल खसेको थियो ।
भर्खरै
लोकप्रिय
