भद्रपुर- प्रधानन्यायाधीश ओमप्रकाश मिश्रले अदालतलभित्रको भ्रष्टाचार न्यूनीकरणमा कानून व्यवसायीहरुको भूमिका महत्वपूर्ण हुने बताएका छन्।
सोमबार मानव अधिकारको राष्ट्रिय सम्मेलनमा बोल्दै उनले भने, ‘ अदातलभित्र यदि भ्रष्टाचार भइरहेको छ भने त्यसलाई न्यूनीकरण गर्ने काम कानून व्यावसायीहरुको पनि हो।’
प्रधानन्यायाधीश मिश्रले आफू अदालतभित्रको बेथिति हटाउन लागि परेको बताउँदै अदालतमा हुने भ्रष्टाचारलाई कानुन व्यावसायीहरुले सूचना दिएर सहयोग गर्नु पर्ने बताए। उनले भने, ‘अदालतभित्र कुनै बेथिति वा भ्रष्टाचार भइरहेको छ भने त्यसलाई कानून व्यावसायी लगायत सबैको जिम्मेवारी रोक्नु नै पहिलो कर्तव्य हुन्छ। तपाईहरुमा यस्तो कुरा देखेर पनि किन मौन हुनुहुन्छ। अब चुप लागेर नबस्नुस्। आवाज उठाउनुस् म अदालतभित्रको बेथिति हटाउन तयार छु।’
कार्यक्रममा उनले लोकतन्त्रमा मानव अधिकार अपरिहार्य भएको भन्दै यसमा सबैले आ-आफ्नो जिम्मेवारी गहनपूर्वक निर्वाह गर्नुपर्नेमा जोड दिए।आज विश्व अन्तराष्ट्रिय मान अधिका दिवस मनाइरहँदा देशभरका ७७ जिल्लाका मानवअधिकारकर्मी झापाको चन्द्रगढीमा भेला भएका छन्।
भर्खरै
लोकप्रिय
