वन मुद्दामा फरार दुई अपराधी पक्राउ

सुर्खेत–  वन मुद्दामा फरार दुई जना अपराधी पक्राउ परेका छन् । लेकवेशी नगरपालिका–७ का ३० वर्षीय नरेन्द्र बुढा र २६ वर्षीय यम बहादुर थापालाई प्रहरीले पक्राउ गरेको हो । जिल्ला अदालत सुर्खेतले उनीहरुलाई अपराधी ठहर गरेका थियो ।

अदालतले जनही १ दिन कैद र एक लाख १५ हजार एक सय ६५ रुपैयाँ जरिवाना तोकेको थियो । जरिवाना र सजाय भुक्तान नगरि उनीहरु फरार थिए । प्रहरीले उनीहरुलाई घरबाटै लुकीछिपी बसेको बेला पक्राउ गरेको जनाएको छ ।

ईलाका प्रहरी कार्यालय लेकवेशीबाट खटिएको प्रहरीले उनीहरुलाई पक्राउ गरेको प्रहरी नायव निरीक्षक मोहन लाल कुमाईले बताए । उनका अनुसार पक्राउ परेका दुवै जनालाई फैसला कार्यान्वयन गराउन अदालत पठाएको छ ।