पाल पनि नपाएर खुला आकाशमुनि रात बिताएको एक परिवार

भलबरिया (बारा) – केही मिनेटको हावाहुरीले जीवनभर लगाएर बनाएको सबथोक उडाएपछि बारा र पर्साका हावाहुरी प्रभावितहरु छानो बिहीन बनेका छन् ।

गएको आइतबार बेलुका केही छिनको तीव्र गतिको आँधीबेहरीका कारण २९ जनाको ज्यान गयो, ६ सय भन्दा बढि घाइते भए । हजारौँ मानिसका घर उडायो । घरबार बिहीन भएकाहरु अहिले राहतको खोजीमा छन् ।

हुरीले घर उडाएपछि धेरैले बास पाएका छैनन् । केहीले सडकमा रात बिताउँदै आएका छन् । यसरी सडकमा रात बिताउन बाध्य परिवार मध्ये एक हो, भलवरियाका वीरबहादुर मुखियाको परिवार ।

सुत्ने ठाउँ छैन, ओड्ने लुगा त परको कुरा छानो पनि छैन । तस्बिर : बर्षा शाह/देश सञ्चार

४० वर्षका वीरबहादुरको ८ जनाको परिवार अहिले सडकमा खुला आकाशमुनि रात बिताउँदै आएको छ । उनका पाँच छोरी, एक छोरा तथा श्रीमती एवम् आमासहितको परिवारले ओत लाग्न पाल पनि पाएको छैन ।

पाल नपाएको उनको परिवारले आइतबार रातिदेखि नै सडकमा खुला आकाशमुनि रात बिताउँदै आएको छ । गाउँका अरुले पाल पाए पनि आफूले नपाएको उनले गुनासो गरे ।

सबै तस्बिर : बर्षा शाह/देश सञ्चार

यो पनि पढ्नुहोस्

आमा गुमाएका छोरालाई बात्सल्यताको न्यानो दिँदै भीम

‘सडकमै खायौ भात, सडकमै काट्दैछौ रात, सरकारले दिएन राहत’

आँधीबेहरीको ताण्डव, निर्दयताको पराकाष्ठा