अरुको जग्गा कब्जा गरेर घरेलुु मदिरा उत्पादन

वीरगञ्ज – पर्साको वीरगञ्ज महानगरपालिकामा अरुको जग्गा कब्जा गरेर अवैध घरेलु मदिरा उत्पादन हुँदै आएको खुलेको छ ।

वीरगञ्ज महानगरपालिका–२७ घुर्मीमा महेश रामको जग्गा कब्जा गरेर स्थानीय भरत यादवले घरेलु मदिरा उत्पादन गर्दै आएका थिए । विशेष सूचनाको आधारमा प्रहरीले उक्त ठाउँमा छापामारेर ३ सय लिटर अवैध घरेलु मदिरा बनाउने कच्चापदार्थ नष्ट गरेको छ ।

वडा प्रहरी कार्यालय श्रीपुरबाट खटिएको टोलीले ड्रममा राखिएको उक्त परिमाणको घरेलु मदिरा बनाउने कच्चापदार्थसहित मदिरा बनाउन प्रयोग गरिने भाँडा बरामद गरिएको प्रहरी कार्यालय श्रीपुरका प्रहरी निरीक्षक चक्रबहादुर मल्लले जानकारी दिए ।