विर्तामोड – पूर्वी नेपालमा बसोबास गर्न आदिवासी समुदायले नयाँ वर्षको अवसरमा मनाउने तीन दिने सिरुवा पर्व आजदेखि मनाउन सुरु गरेका छन्।
राजवंशी, धिमाल, ताजपुरिया लगायतका आदिवासी समूदायले वैशाख १, २ र ३ गते पानी, हिलो र रंग छ्यापछ्याप गरेर सिरुवा मनाउने गर्छन्।
झापा, मोरङ र सुनसरी जिल्लामा बसोबास गर्ने आदिवासी बहुल क्षेत्रहरु सिरुवामय बन्ने गरेका छन्। पर्वका अवसरमा कुरबिसरी, ठाकुरब्रह्माणी, घाटोसरीसहित कूल देवीदेवताको पूजा गर्ने प्रचलन छ।
सिरुवा पर्वको सुरु दिन पानी सिरुवा मनाउन आदिवासी बहुल स्थानमा आदिवासी समुदायका मानिसहरु भेला हुन थालेका छन्।
भोलि अर्थात सिरुवाको दोस्रो दिन कादो (हिलो) सिरुवा मनाउने चलन छ। उक्त दिन उनीहरुले शरीरमा हिलो एक आपसमा दलेर कादो सिरुवा मनाउने गर्छन्।
तेस्रो दिन रंग सिरुवा मनाउने चलन छ। उक्त दिन आदिवासी समुदायका मानिसहरु विभिन्न रंगले रंगिने गर्छन्।
सिरुवा मनाउँदा आदिवासी समुदायमा प्रचलित खानेकुरा ‘गाजीमुरी’ खाने चलन छ।
भर्खरै
लोकप्रिय
