अ
+
अ
अ
-
काठमाडौँ– १३ औँ दक्षिण एसियाली खेलकुद (साग) अन्तर्गत महिला भलिबलतर्फ स्वर्णपदकका लागि यतिबेला नेपाल र भारतबीच प्रतिस्पर्धा भइरहेकाे छ।
त्रिपुरेश्वरस्थित कभर्डहलमा जारी खेलमा नेपाल र भारतले एक–एक सेट जितेका छन्। पहिलो सेट २५–१७ ले गुमाएको नेपालले दोस्रो सेट २५–२३ ले जितेको हो।
समूह चरणको आफ्नो पहिलो खेलमा बंगलादेशलाई पराजित गरेको नेपाल दोस्रो खेलमा भारतसँग हारेको थियो। बंगलादेश समूह चरणका आफ्ना दुबै खेल गुमाएर प्रतियोगिताबाट बाहिरिएसँगै नेपाल सेमिफाइनल पुगेको थियो।
सेमिफाइनलमा श्रीलंकालाई पाखा लगाउँदै नेपालले पहिलो पटक सागको फाइनलमा स्थान बनाएको थियो। महिला भलिबलतर्फ नेपालको रजतपदक भने सुनिश्चित भएको छ।
पुरुष भलिबलतर्फ भने पाकिस्तानलाई हराउँदै भारतले स्वर्ण जितिसकेको छ।
भर्खरै
लोकप्रिय
