झापा- समुदायका मानिसमा कोरोना भाइरसको सङ्क्रमण बढ्न थालेपछि झापाको पूर्वी सीमाको मेचीनगर नगरपालिकामा एक साताका लागि लकडाउन घोषणा गरिएको छ।
बुधबार रातिदेखि भदौ ३ गतेसम्मका लागि मेचीनगर नगरपालिकाले लकडाउन घोषणा गरेको नगरपालिकाद्वारा जारी सूचनामा जनाइएको छ।
नगरपालिकाको निर्णय अनुसार नगर भित्रका अत्यावश्यक सेवा बाहेकका सबै प्रकारका उद्योग, व्यवसाय, सेवा, शिक्षण संस्था, कार्यालय, व्यापार, होटल, पसल र सपिङ मल बन्द रहनेछन्।
मेचीनगर भित्र अत्यावश्यक र मालवाहक बाहेकका सबै सवारी साधन सञ्चालन नगर्ने निर्णय गरेको नगरप्रमुख बिमल आचार्यले जानकारी दिए।
धार्मिक, सांस्कृतिक र अन्य मृत्यु संस्कार लगायतका कार्यमा भीडभाड नगर्ने र मलामीमा अधिकतम २५ जनामात्र सहभागी हुन पाउनेसमेत नगरपालिकाले निर्णय गरेको छ।
डेरी, खाद्यान्न तथा सागसब्जी पसल बिहान ८ बजेदेखि १० बजेसम्म सञ्चालन पाइने नगरपालिकाले जनाएको छ।
अस्पताल र अन्य स्वास्थ्य सेवासँग सम्वन्धित क्षेत्रहरु पूर्ण स्वास्थ्य सुरक्षा बिधि अपनाएर नियमित रुपमा सञ्चालन गर्न सकिने नगरपालिकाले निर्णय गरेको छ।
भर्खरै
लोकप्रिय
