बुटवल– रुपन्देहीमा बुधबार ३८ जना कोरोना भाइरसका संक्रमित थपिएका छन्। योसँगै रुपन्देहीमा कोरोना संक्रमितको संख्या ५ सय ९६ पुगेको छ।
बुधबार रुपन्देहीका ७ पालिकाका ३८ जनामा संक्रमण पुष्टि भएको स्वास्थ्य कार्यालय रुपन्देहीका भेक्टर कन्ट्रोल निरीक्षक केदारनाथ शाहले जानकारी दिए। त्यसमध्ये २ जना स्वास्थ्य कार्यालयका कर्मचारी र एक जना नेपाल बैक मणिग्रामकी कर्मचारीमा पनि संक्रमण भएको छ।
शाहका अनुसार बुटवल उपमहानगरपालिकाका २० जना, सिद्धार्थनगरका ६ जना, तिलोत्तमाका १, सैनामैनाका १, सियारी ३, देवदहका २ र शुद्धोधनका ५ जनामा संक्रमण देखिएको छ।
रुपन्देहीमा सबैभन्दा धेरै संक्रमित बुटवलमा छन्। बुटवलमा संक्रमितको संख्या १३१ पुगेको छ।
सिद्धार्थनगरमा ७६, तिलोत्तमा नगरपालिकाका ७३, लुम्बिनी सांस्कृतिक नगरपालिकाका ६१, सैनामैनाका ४४, सम्मरीमाईका २७, गैडहवाका २६, कोटहीमाईका २६, कञ्चनका २५, देवदहका २४, मायादेवीका १९, सियारीका २१, मर्चवारीका १५, शुद्धोधनका १६, रोहिणीका ८, ओमसतियाका ४ र रुपन्देही बस्ने ठेगाना नखुलेको १ जनामा संक्रमण देखिएको छ।
संक्रमित मध्ये २५४ जना उपचाररत रहेको, ३४१ जना निको भएको र १ जनाको मृत्यु भएका जिल्ला स्वास्थ्य कार्यालय रुपन्देहीका भेक्टर कन्ट्रोल निरिक्षक शाहले जानकारी दिए।
भर्खरै
लोकप्रिय
