रुपन्देहीमा होम आइसोलेशन बसेकी संक्रमितको मृत्यु

बुटवल – रुपन्देहीमा थप एकजना कोरोना संक्रमित महिलाको मृत्यु भएको छ।

तिलोत्तमा नगरपालिका वडा नं ५ की ६८ वर्षीया महिलाको आइतबार राति मृत्यु भएको रुपन्देहीका प्रमुख जिल्ला अधिकारी माहादेव पन्थले पुष्टि गरे।

कोरोना संक्रमण पुष्टि भएपछि उनी होम आइसोलेसनमै बसेकी थिइन्।

भदौ ११ गते उनमा कोरोना संक्रमण पुष्टि भएको थियो। ती महिलाको स्वास्थ्यमा समस्या आएपछि भैरहवाको भीम अस्पतालमा लैजाने क्रममा मृत्यु भएको हो।

बुटवलको कोरोना अस्पतालमा बेड उपलब्ध नभएपछि उनलाई भैरहवास्थित भीम अस्पताल लगिँदै थियो।