काठमाडौँ- नेकपाको विवाद उत्कर्षमा पुगेपछि खुमलटार र बालुवाटारमा छुटछुट्टै भेला गर्ने क्रमले पनि तीव्रता पाएको छ।
दसैँलगत्तै विवादका केन्द्र नेकपा अध्यक्ष केपी शर्मा ओली र पुष्पकमल दाहाल ‘प्रचण्ड’ले आआफ्ना गुटसँगको छलफल सुरु गरेका थिए।
ओलीले आफ्ना गुटसँग बालुवाटारमा एक चरण छलफल गरेपछि चार जना आफ्ना विश्वासपात्रलाई दिन बिराएर प्रचण्डलाई फकाउन खुमलटारसमेत पठाएका थिए।
अध्यक्ष दाहालले भने आफ्ना समूहका माधव नेपाललाई दुई पटक खुमलटार बोलाएका थिए भने अन्यसँग फोनमार्फत नै सल्लाह लिइरहेकोमा आज आइतबार आफ्ना समूहका सबै नेताहरुलाई खुमलटारमा बोलाएका छन्।
कर्णालीका मुख्यमन्त्री महेन्द्र बहादुर शाही आज गर्ने भनिएको आफनो मन्त्रिपरिषद् बिस्तार गर्न असफल भएलगत्तै प्रचण्ड, नेपाल, अर्का नेता झलनाथ खनाल, नारायणकाजी श्रेष्ठलगायत नेताहरु खुमलटार बसेको प्रचण्ड निकट एक नेताले बताए।
यता ओलीले पनि हिजो शनिबार प्रचण्डसँग अपेक्षा अनुसार छलफल अघि नबढेलगत्तै आफ्ना गुटसँग छलफल गरेका थिए।
उनले हिजै पोखरा पुगेका गण्डगीका मुख्यमन्त्री पृथ्वीसुब्बा गुरुङलाई पुन काठमाडौँ आउन निर्देशनसमेत दिएका छन्।
ओलीका विश्वासपात्र लुम्बिीनीका मुख्यमन्त्री शंकर पोखरेल करिब एक सातादेखि काठमाडौँमै छन्।
भर्खरै
लोकप्रिय
