काठमाडौँ – सत्तारुढ नेपाल कम्युनिष्ट पार्टीको सचिवालय बैठक तोकिएकै समय अर्थात बुधबार दिउँसो १ बजे बस्ने र त्यसमा प्रधानमन्त्री समेत रहेका अध्यक्ष केपी शर्मा ओली पनि सहभागी हुने तय भएको छ ।
प्रधानमन्त्री ओलीले सचिवालयको बैठकसँग बाझिने गरि मन्त्रिपरिषदको बैठक बोलाएका थिए । तर त्यसपछि भएका छलफलले मन्त्रिपरिषद बैठक एक घण्टा पछि सार्ने र सचिवालय बैठकमा ओली पनि सहभागी हुने तय गरेको हो ।
ओलीको सन्देश लिएर महासचिव विष्णु पौडेल पार्टीका अर्का अध्यक्ष पुष्पकमल दाहाल प्रचण्ड निवास खुमलटार पुगेका थिए ।
ओली प्रचण्ड–नेपाल (माधवकुमार नेपाल) समूहको माग अनुसार दिउँसो १ बजे नै सचिवालय बैठक राख्न सहमत भएको सन्देश पौडेलले खुमलटार लगेका हुन् ।
त्यसपछि पार्टी प्रवक्ता नारायणकाजी श्रेष्ठ प्रकाशले सचिवालय बैठक तोकिएकै समयमा बालुवाटारमा बस्ने जानकारी सामाजिक सञ्जाल मार्फत गराएका हुन् ।
यस्तै ओलीले मन्त्रिपरिषद बैठक एक घण्टा पछि सारेका छन् । विवाद समाधानको विकल्प वा उपायहरुबारे के गर्ने भने सचिवालयको बैठकले रणनीति बनाउने छ ।
भर्खरै
लोकप्रिय
