पर्सा- वीरगञ्ज महानगरपालिका वडा न. ३२ परसवामा एक व्यक्तिको शब फेला परेको छ। स्थानीय ४७ वर्षिय सुरेन्द्र साह सोनारको शब गाउँकै कुलोमा भेटिएको हो।
सोनारको दुबै आँखा निकालेको अवस्थामा शब फेला परेको हो। बिहीबार साँझ घरबाट पैसा लिन बाराको सिमरा हिडेका सोनारको शब शुक्रवार दिउँसो १२ बजे फेला परेको प्रहरी चौकी परवानीपुरका प्रहरी सहायक निरिक्षक राजाराम यादवले जानकारी दिए।
वडा नम्बर ३२ कै बसन्त नगर टोल घर भएका सोनार आफनी भाञ्जीको बिहेमा परसवा टोल आएका थिए ।बिहीबार भाञ्जीको घरबाट पैसा लिनको लागि सिमरा हिडेका सोनार अबेर राति सम्म घर फर्केका थिएनन्।
प्राय: रक्सी सेवन गरिरहने भएकाले परिवारजनले राति खासै खोजी नगरेको प्रहरी सहायक निरिक्षक यादवले बताए। स्थानीय महिलाहरुले कुलोमा शब देखेपछि प्रहरीलाई खबर गरेका थिए ।
घटनास्थलमा अहिले ईलाका प्रहरी कार्यालय पटेर्वा सुगौली र प्रहरी चौकी परवानीपुर र मिलन चोकबाट पुगेको छ।
भर्खरै
लोकप्रिय
