काठमाडौँ-सरकारले नेत्रविक्रम चन्द विप्लव नेतृत्वको नेपाल कम्युनिष्ट पार्टी (नेकपा) माथिको प्रतिबन्ध मंगलबार फुकुवा गर्ने अनुमान गरेपनि त्यसो गरेन।
मंगलबार बसेको मन्त्रिपरिषद् बैठकले विप्लव नेकपामाथिको प्रतिबन्ध फुकुवा गर्ने अनुमान व्यापकरुपमा गरिएको थियो।
तर सरकारी उच्च स्रोतका अनुसार मंगलबारको बैठकमा यस विषयमा छलफल समेत भएन।
स्रोतले देशसञ्चारसँग भन्यो,‘बाहिर जे अनुमान गरियो त्यो अनुसार आज कुनै पनि निर्णय पनि भएको छैन। विप्लव समूहबारे छलफल समेत भएन।’
वार्ताको वातावरण बनाउनका लागि सरकारले विप्लव नेकपामाथिको प्रतिबन्ध फुकुवाको तयारी गरेको अनुमानहरु भएका थिए।
राष्ट्रिय सुरक्षा तथा स्थायित्वमा असर परेको भन्दै मन्त्रीपरिषदले विप्लव नेतृत्वको नेकपामाथि २०७५ फागुन २८ मा प्रतिबन्ध लगाएको थियो ।
उसमाथि हिंसात्मक गतिविधिमा संलग्न भएको आरोप सरकारको थियो ।
गत शनिबार नेकपा महासचिव विप्लवले विज्ञप्ति जारी गरेर सरकारले वातावरण बनाएमा वार्ताका लागि तयार रहेको बताएका थिए ।
यो बीचमा सरकार र विप्लव नेकपाबीच सहमतिसमेत भइसकेका सूचनाहरु आएका थिए।
भर्खरै
लोकप्रिय
