काठमाडौँ- नेकपा एमाले अध्यक्ष एवं प्रधानमन्त्री केपी शर्मा ओलीले पार्टी विधान विपरीत काम गरेको आरोपसहित ६ महिनाका लागि निलम्बन गरेका नेता घनश्याम भुसालले एमाले पुनर्गठनका लागि दस्तावेज लेख्न सुरु गरेका छन्।
स्रोतका अनुसार ओलीले निलम्बनको पत्र पठाउँदा उनी बिहीबार उक्त दस्ताबेज लेखनमा व्यस्त थिए।
उक्त दस्तावेज देशव्यापी लैजाने तयारी गरिएको छ।
दस्तावेजमा ओलीले यसबीचमा गरेका गतिविधि, पार्टीमा चुलिएको अन्तरविरोध, स्पष्टीकरणपत्र, स्पष्टीकरणको जबाफ पत्र लगायत समावेश गर्ने स्रोतको भनाइ छ।
आफ्नो निलम्बनबारे सञ्चारमाध्यमलाई प्रत्यक्ष कुनै प्रतिक्रिया नदिएका भुसालले सामाजिक सञ्जालमार्फत आफूलाई गरिएको निलम्बनको प्रतिक्रिया दिएका थिए।
ओलीको भेला नगर्न दिएको निर्देशनका बीच यही चैत्र ४ र ५ गतेको नेपाल–खनाल पक्षको भेलाले हालसम्मका अन्तरविरोध समावेश गरेर पार्टीको तल्लो तहसम्म लैजाने निष्कर्ष निकालेको थियो।
भर्खरै
लोकप्रिय
