काठमाडौँ– क्रिएसन, कोका–कोला फाउन्डेसन र बाृटलर्स नेपाल (तराई) लिमिटेडको संयुक्त सहयोगमा विश्व स्वास्थ्य दिवस २०२१ को अवसरमा सफाइकर्मीका लागि व्यावसायिक सुरक्षा प्रशिक्षण र स्वास्थ्य शिविर आयोजना गरेको छ।
राम्रो र स्वस्थ विश्वको उत्सवको विषयवस्तुलाई सुनिश्चित गर्दै उक्त कार्यक्रम सफाइकर्मीका लागि काम गर्ने कमजोर अवस्थालाई ध्यानमा राखेर आयोजना गरिएको हो।
कार्यक्रममा कामको बखत र काम सकिएपछि सुरक्षा उपाय, विभिन्न सुरक्षा गियरको प्रयोग, साइटमा व्यावसायिक दुर्घटनाको रोकथाम र सुरक्षित भएर काम गर्ने अवस्थाका लागि आगो निभाउने उपकरण र अन्य सुरक्षा उपकरण प्रयोगसम्बन्धी एक सत्र समावेश थियो।
सुरक्षा गियरसहित सुरक्षात्मक जुत्ता, टोपी, ज्याकेट, मास्क र ग्लोभ्स पनि सफाइकर्मीलाई हस्तान्तरण गरिएको थियो। साइटमा आगो दुर्घटना र अन्य जोखिमलाई ध्यानमा राख्दै, प्रत्येक साइटमा आगो निभाउने उपकरण र अन्य सुरक्षा सुविधा पनि सुसज्जित थिए।
डा. अनुजराज कँडेलको नेतृत्वमा रहेको स्वास्थ्य शिविरमा सफाइकर्मीको स्वास्थ्य समस्या र मुद्दाबारे मेडिकल चेकअप र परामर्श सामिल थियो। कार्यक्रममा बेलिङ साइटका कर्मचारीका लागि श्रम सम्झौताको हस्तान्तरण गरिएको थियो।
यो सम्झौता बेलरहरूलाई काम गर्ने बेला अवस्थामा औपचारिक रुपमा उनीहरूलाई मद्दत गर्न र कामदारको फाइदाका लागि सहयोग पुर्याउन ल्याइएको हो।
यस पहलबारे जानकारी दिँदै क्रियसनका संस्थापक र प्रेसिडेन्ट आनन्द मिश्राले भने, ‘वेस्ट वोर्कर्सको असुरक्षित काम गर्ने स्थितिले उनीहरूको जीविकालगायत वातावरण र समाजलाई जोखिममा पार्छ।’
उनीहरूलाई सुरक्षा प्रशिक्षण र स्वास्थ्य शिविरको माध्यमबाट सहयोग पुर्याउँदै आएको उनले बताए। कोकाकोला फाउन्डेसनले गर्दै आएको सहयोगमा उनीहरूको लागि अझ राम्रो र स्वस्थ जीवनका लागि प्रयास जारी राखिने उनको भनाइ छ।
बोटलर्स नेपाल लिमिटेडका प्रबन्ध निर्देशक प्रदीप पाण्डेले भने, ‘फोहोर र रिसाइक्लिङ उद्योगमा काम गर्नेहरूले धेरै व्यावसायिक स्वास्थ्य जोखिम सामना गर्छन्। हामी उनीहहरूको वीर प्रयासलाई समर्थन गर्छौं।’
भर्खरै
लोकप्रिय
