रूपन्देहीमा थपिए ५ सय ८७ संक्रमित, १३ जनाको मृत्यु

बुटवल – रूपन्देहीमा पछिल्लो २४ घण्टामा ५ सय ८७ जनामा कोरोना भाइरस संक्रमण पुष्टि भएको छ। यो अवधिमा १३ जनाको मृत्यु भएको छ।
योसँगै जिल्लामा कुल सक्रिय संक्रमितको संख्या ४ हजार ९ सय ५५ पुगेको स्वास्थ्य कार्यालयले जनाएको छ। हालसम्म मृत्यु हुनेको संख्या २ सय ३३ पुगेको छ। सबैभन्दा धेरै बुटवल उपमहानगरपालिकामा २ सय ५५ जनामा कोरोना भाइरस संक्रमणको पुष्टि भएको छ ।

त्यस्तै सिद्धार्थनगर नगरपालिकामा ६७ जना, तिलोत्तमा नगरपालिकामा १ सय ३६ जना, सियारीमा ५, देवदहमा ३६, गैडहवामा ३ र मायादेवीमा ३ जनामा संक्रमण देखिएको छ।

त्यस्तै सैनामैनामा ३३ जना, ओमसतियामा ७ जना, कञ्चनमा १२ जना, रोहिणीमा ५ जना, लुम्बिनी साँस्कृतिक नगरपालिकामा २ जना, शुद्धोधन गाउँपालिकामा १३ जना र कोटहिमाई गाउँपालिकामा एक जनामा संक्रमण पुष्टि भएको हो।