एमाले बचाउन नेताहरूको दौडधूप तीव्र, शीतल निवास पुगे ईश्वर पोखरेल

काठमाडौँ – विभाजनको संघारमा पुगेको नेकपा एमालेलाई बचाउन नेताहरू एकाएक सक्रिय भएका छन्।

एमाले बचाउन केही दिनयता उनीहरूको सक्रियता द्रुतगतिमा अगाडि बढिरहेको छ। अहिले अध्यक्ष एवं प्रधानमन्त्री केपी शर्मा ओली र उनीसँग असन्तुष्ट वरिष्ठ नेता माधवकुमार नेपाल पक्षका दोस्रो तहका नेताहरूले छलफललाई तीव्रता दिएका छन्।

बालुवाटारमा ओलीसहित उनी पक्षीय सुवास नेम्वाङ र विष्णु पौडेलसँग नेपाल पक्षका घनश्याम भुसाल, योगेश भट्टराई र गोकर्ण विष्ट छलफल गरिरहेका छन्।

ओली पक्षका उपप्रधानमन्त्रीसमेत रहेका ईश्वर पोखरेल भने राष्ट्रपति विद्यादेवी भण्डारीलाई भेट्न शीतलनिवास पुगेको स्रोतले बताएको छ।