अ
+
अ
अ
-
काठमाडौं – नबिल बैंकले ‘नबिल क्यास मेसिन’ जारी गरेको छ। आधुनिक बैंकिङ युग सुरु गर्नेतर्फ केन्द्रित हुँदै यस ‘नबिल क्यास मेसिन’ ले ग्राहकलाई एटीएममार्फत रकम झिक्ने मात्र नभई रकम जम्मा पनि गर्न सक्ने सुविधा ल्याएको छ।
नबिल बैंकको तीनधारा र पुल्चोक शाखाबाट यो प्रविधि सुरु गरेको छ। अब ग्राहकले मेसिनमा एक हजार, ५ सय, एक सयको नेपाली रुपैयाँ जम्मा गर्न सक्नेछन् भने एक पटकमा ९९ हजार नौ सय जम्मा गर्न सक्नेछन्।
साथै, यसमार्फत नबिलको कुनै पनि बचत र चाल्ती खातामा जम्मा गर्न सक्नेछन्। साथै, यसमार्फत ग्राहकले आफ्नो क्रेडिट कार्ड भुक्तानी पनि गर्न सक्नेछन्।
बैंकको देशभर १३५ वटा शाखा कार्यलय, १८४ एटिएम र १५०० भन्दा धेरै नबिल रेमिट एजेन्टसहित विभिन्न देशमा रहेका एजेन्टको बृहत सञ्जालमार्फत निरन्तर गुणस्तरीय सेवा प्रवाह गर्दै आएको जनाएको छ।
भर्खरै
लोकप्रिय
