काठमाडौँ – नेपालका लागि सुजुकी कारको आधिकारिक बिक्रेता तथा सीजी होल्डिङ्को अटोमोटिभ डिभिजन सीजी मोटोकर्पले दसैँ–तिहारका लागि आकर्षक ग्राहक योजना ‘सुजुकी पर्वोत्सव अफर’ सार्वजनिक गरेको छ।
यस योजनाअन्तर्गत ग्राहकले दुई लाख रुपैयाँ बराबरको नगद छुट, एक लाख ५० हजार रुपैयाँसम्म एक्सचेन्ज बोनस, २० हजार रुपैयाँसम्म लोयोल्टी बोनस, १ वर्षको सवारी बिमा र स्क्र्याच कार्डमार्फत ७५ हजार रुपैयाँसम्म अतिरिक्त छुट पाउने कम्पनीले जनाएको छ। साथै, क्लियरेन्स मोडेलमा विशेष छुटको व्यवस्था गरेको छ।
यो योजना नेपालभर रहेका सुजुकी गाडीका ३८ वटै सोरूममा लागू हुनेछ। सुजुकीका विभिन्न मोडेलका कारबमोजिम फरक–फरक हिसाबका छुट लागू हुनेछन्।
सुजुकी ब्रान्डले एस्प्रेसो, वागेन आर्, इग्निस्, स्विफ्ट, बलेनो, डिजाएर, सिआज्, ब्रेज्जा, एस्क्रस्, एर्टिगा, एक्स्एल सिक्स्, इको, इको कार्गो र सुपर क्यारी गरी नेपालमा सबैभन्दा बढी गाडीका मोडेल बिक्री गर्दै आएको छ।
भर्खरै
लोकप्रिय
