बुटवल– कपिलवस्तुको कृष्णनगरमा झाडापखालाका कारण २ जनाको मृत्यु भएको छ।
कृष्णनगर नगरपालिकाका वडा नं ७ र ८ मा झाडापखालाका कारण २ जनाको मृत्यु भएको वडा अध्यक्षहरुले बताएका छन्। उनीहरुका अनुसार वडा नं. ९ का ५ वर्षीय राज काश्यप र वडा नं. ८ का ४० वर्षीय रामप्रसाद केवटको मृत्यु भएको हो।
नगरका वडा नं. ७, ८ र ९ मा झाडापखाला र बान्ताको समस्या देखिएका ५२ जना रहेको र उनीहरुको अस्पतालहरुमा उपचार भइरहेको कृष्णनगर नगरपालिकाका प्रमुख रजतप्रताप शाहले जानकारी दिए। उनकाअनुसार केही उपचारपछि घर फर्किएका छन् भने केहीलाई थप उपचारका लागि अन्यत्र रिफर गरिएको छ।
झाडापखालाको समस्या देखिएपछि स्वास्थ्य कार्यालयको टोली स्थानीयका घरमा पठाएको स्वास्थ्य कार्यालय कपिलवस्तुका प्रमुख हेमराज पाण्डेले बताए।
उनका अनुसार अहिले झाडापखाला फैलिने र नयाँ बिरामी थपिने क्रम भने रोकिएको छ। उनले गाउँस्तरमा जनचेतनामूलक कार्यक्रम समेत थालेको बताए।
भर्खरै
लोकप्रिय
