काठमाडौं – युवा तथा खेलकुदमन्त्री महेश्वरजंग गहतराज (अथक) ले खेलाडी नै आफ्नो सबैभन्दा नजिकका सल्लाहकार भएको बताएका छन्।
नेपाल अन्तर्राष्ट्रिय तथा राष्ट्रिय खेलाडी संघका पदाधिकारीसँगको भेटघाटका क्रममा मन्त्री अथकले नेपाली खेल क्षेत्रको विकासका लागि नयाँ ढंगको संघर्ष आवश्यक रहेको बताए।
समग्र नेपाली युवा तथा खेलाडीको भविष्य निर्माणको जिम्मेवारी आफ्नो काँधमा आएको भन्दै उनले सबै पक्षसँगको सहकार्यबाट खेल क्षेत्रलाई माथि उठाउन मन्त्रालयले दीर्घकालीन योजना ल्याउने तयारी गरिरहेको उल्लेख गरे।
उनले भने, ‘खेलाडी नै मेरो सबैभन्दा नजिकका सल्लाहकार हुन्, खेल क्षेत्रका विज्ञहरूसँगको आवश्यक परामर्शबाट मन्त्रालयको आगामी रणनीति तय गरिनेछ।’
मन्त्री अथकलाई भेट्न मन्त्रालय पुगेका अग्रज खेलाडी वैकुण्ठ मानन्धर, हरि रोका, दीपक बिष्ट, संगीना वैद्यलगायतले खेलाडीको मनोबल बढ्ने गरी सेवा–सुविधाको व्यवस्था मिलाउन आग्रह गरेका थिए।
भर्खरै
लोकप्रिय
