काठमाडौँ – सेञ्चुरी कमर्सियल बैंक लिमिटेडको एघारौं वार्षिक साधारण सभा सम्पन्न भएको छ। बैंकका अध्यक्ष राजेशकुमार श्रेष्ठको अध्यक्षतामा काठमाडौंमा शुक्रबार भौतिक उपस्थिति एवं अनलाइन(जुम)मार्फत एकसाथ सभा सञ्चालन भएको थियो।
साधारण सभाले बैंकको चुक्ता पुँजीको ६.०५ प्रतिशत लाभांश वितरण गर्ने प्रस्ताव पारित गरेको छ।
०७८ असार मसान्तमा कायम चुक्ता पुँजीमा रु. ९,०३,४४,२९,५०२.५०/मा ५.७५ प्रतिशतले हुन आउने रकम रु. ५१,९४,७९,६९६.३९/ बराबरको बोनस सेयर वितरण गर्ने र कर प्रयोजनका लागि चुक्तापुँजीको ०.३० प्रतिशतले हुन आउने रकम रु. २,७३,४१,०३६.६५/ बराबरको नगद लाभांश वितरण गर्ने प्रस्ताव पारित गरेको छ।
साधारणसभाले लेखापरीक्षकको प्रतिवेदनसहित ०७७/७८ को आर्थिक विवरण, वासलात, नाफा नोक्सान हिसाब र नगद प्रवाह विवरण बाँडफाँडलगायत प्रतिवेदन पारित गरेको छ। साथै, साधारणसभाबाट बैंकको संस्थापक समूहमा हाल रहेको ५३.४१ ५ सेयर संरचनालाई ५१५ हुने गरी सेयरधनीको सेयर संरचना परिवर्तन गर्ने सञ्चालक समितिको निर्णय अनुमोदन गरेको छ।
आधुनिक प्रविधिको माध्यमबाट देशका दुर्गम तथा सहरी क्षेत्रमा सरल बैंकिङ सेवा प्रदान गर्दै आएको सेञ्चुरी कमर्सियल बैंकले मेचीदेखि महाकालीसम्म आफ्ना १२६ शाखा १० एक्सटेन्सन काउन्टर, २५ शाखारहित बैंकिङ र १०८ एटिएममार्फत वित्तीय सेवा प्रदान गर्दै आएको छ।
भर्खरै
लोकप्रिय
