अ
+
अ
अ
-
काठमाडौँ – सामाजिक सञ्जालमा महिलालाई ब्ल्याकमेल गरेको आरोपमा मुद्दा दर्ता भई फरार रहेका प्रतिवादी पक्राउ परेका छन्।
पक्राउ पर्नेमा कास्की रुपा गाउँपालिका–७ सिस्नेरी बस्ने ३१ वर्षीय मुक्ति खनाल भनिने मुक्तिनाथ खनाल रहेको प्रहरीले बताएको छ।
उनले वैदेशिक रोजगारीका क्रममा रहेका बेला सामाजिक सञ्जाल फेसबुकमार्फत महिलालाई फ्रेन्ड रिक्वेस्ट पठाई ललाइफकाइ धाक धम्की दिएर नग्न तस्बिर माग्ने गरेका थिए।
यसरी मागिएको तस्बिर तथा भिडियो खनालले महिलाको श्रीमान् तथा आफन्तलाई पठाइदिन्छु भन्दै ब्ल्याकमेल गर्ने गरेका थिए।
खनाल वैदेशिक रोजगारीबाट फर्कने क्रममा महानगरीय प्रहरी विमानस्थल सुरक्षा कार्यालय एयरपोर्ट समन्वयमा साइबर ब्युरोबाट खटिएको टोलीले शुक्रबार पक्राउ गरेको हो। थप अनुसन्धान भइरहेको प्रहरीले जनाएको छ।
भर्खरै
लोकप्रिय
