काठमाडौँ – बिमा समितिले प्राइम लाइफ इन्स्योरेन्स कम्पनी लिमिटेडलाई १० हजार रुपैयाँ जरिवाना गराउने निर्णय गरेको छ।
बिमा समितिबाट जारी सुशासनसम्बन्धी निर्देशिका, २०७५ तथा वैदेशिक रोजगार म्यादी जीवन बिमासम्बन्धी निर्देशन, २०७३ विपरीत कार्य गरेका कारण प्राइम लाइफ इन्स्योरेन्सलाई जरिवाना गर्ने निर्णय गरेको समितिले जारी गरेको विज्ञप्तिमा उल्लेख छ।
समितिले प्राइम लाइफ इन्स्योरेन्सको स्थलगत निरीक्षणका क्रममा कम्पनीले सुशासनसम्बन्धी निर्देशिका, २०७५ को दफा १२ उल्लंघन गरी तलब–भत्ता निर्धारण नै नगरी कर्मचारीका नाममा ठूलो रकम खर्च गरेको, बिमितको हितविपरीत नक्कली बिमा लेख जारी गरेको पाएको थियो। त्यस्तै, वैदेशिक रोजगार म्यादी जीवन बिमासम्बन्धी निर्देशन, २०७३ बमोजिम सुरक्षित, मर्यादित र व्यवस्थित रूपले वैदेशिक रोजगार बिमा नगरेको देखिएको पाइएको थियो।
समितिले बिमा ऐन, २०४९ को दफा ३६ को उपदफा (१) बमोजिम उक्त कम्पनीलाई जरिवाना गर्ने निर्णय गरेको हो।
भर्खरै
लोकप्रिय
